सचिनच्या बायो डिझेल पंपाला पोलिस कर्मचाऱ्यांचा आशीर्वाद? – अवैध साठवणुकीमुळे नागरिक धास्तावले

सचिनच्या बायो डिझेल पंपाला पोलिस कर्मचाऱ्यांचा आशीर्वाद? – अवैध साठवणुकीमुळे नागरिक धास्तावले

नांदुरा– वडनेर भोलजी येथील एका नामांकित पोलिस कर्मचाऱ्याचा आशीर्वाद असल्यामुळे अवैध बायो डिझेल व्यवसाय फोफावत असल्याचा धक्कादायक प्रकार समोर आला आहे. सचिन नावाचा इसम कोणत्याही अधिकाऱ्याची भीती न ठेवता दिवस आणि रात्र स्फोटक व ज्वलनशील पदार्थांची साठवणूक व विक्री करत असल्याचे स्थानिक नागरिकांचे म्हणणे आहे.

मिळालेल्या माहितीनुसार, सचिन याचा बायो डिझेल पंप हा पोलिस कर्मचारी विक्रम राजपूत यांच्या आशीर्वादामुळे अवैधरीत्या सुरू आहे. विशेष म्हणजे, विक्रम राजपूत हे ‘माऊली हॉटेल’चे मालक यांचे नातेवाईक असल्याची माहितीही पुढे आली आहे. त्यामुळे पोलिस यंत्रणेची कृपादृष्टी असल्यामुळेच कारवाई होत नसल्याची चर्चा जनतेमध्ये आहे.

स्थानिक नागरिकांनी अनेकदा तक्रार करूनही कारवाई न झाल्यामुळे अस्वस्थता वाढली आहे. दिवस-रात्र सुरू असलेल्या या बायो डिझेल पंपामुळे अपघाताचा धोका निर्माण झाला असून, त्याची तात्काळ दखल घेण्याची मागणी केली जात आहे.

प्रशासनाने याकडे गांभीर्याने लक्ष द्यावे, अन्यथा स्थानिक नागरिक आंदोलनाची भूमिका घेऊ शकतात, असे सूतोवाच काही सामाजिक कार्यकर्त्यांनी केले आहे.